Á döfinni

Á Opnu Menntafléttunni þetta skólaárið eru fjölbreytt námskeið í boði fyrir öll skólastig:

Leikskóli:
🌱 Magnskilningur leikskólabarna
🌱 Stærðfræðin í leik barna
🌱 Stærðfræðin í umhverfi leikskólabarna

Grunnskóli yngsta stig:
🌿 Stærðfræðinám og upplýsingatækni á yngsta stigi
🌿 Talna- og aðgerðaskilningur fyrir yngsta stig
🌿 Tengsl og breytingar í stærðfræði fyrir yngsta stig
🌿 Tungumál stærðfræðinnar fyrir yngsta stig

Grunnskóli miðstig:
🪴 Stærðfræði og forritun á miðstigi og unglingastigi
🪴 Stærðfræðinám og upplýsingatækni á miðstigi
🪴 Tengsl og breytingar í stærðfræði fyrir miðstig
🪴 Tungumál stærðfræðinnar fyrir miðstig

Grunnskóli unglingastig:
🌲 Greindu betur – samþætting stærðfræði, tölfræði og samfélagsgreina
🌲 Stærðfræði og forritun á miðstigi og unglingastigi
🌲 Stærðfræðinám og upplýsingatækni á unglingastigi
🌲 Tengsl og breytingar í stærðfræði fyrir unglingastig
🌲 Tungumál stærðfræðinnar á unglingastigi

Framhaldsskóli:
🌳 Greindu betur – samþætting stærðfræði, tölfræði og samfélagsgreina
🌳 Stærðfræði og forritun í framhaldsskóla
🌳 Tungumál stærðfræðinnar fyrir framhaldsskóla

GETUR ÞÚ FUNDIÐ
ÓÞEKKTA FLATARMÁLIÐ?

Prófaðu áður en þú horfir á lausnina!

Nýjar greinar

Hvað tengir hlaupabretti, vegið meðaltal og kameldýr? Í greininni Hlauparinn og lögmál kameldýrsins, sem nú birtist á vef Flatarmála, veltir Jóhann Örn Sigurjónsson fyrir sér hvernig hægt sé að nálgast verkefni um vegið meðaltal á annan veg en venja er til og hvaða lögmál búi þar að baki.

Í greininni Hugmyndir sem fylgdu mér heim frá New Haven: Reynsla og hugleiðingar frá ráðstefnu um að skapa hugsandi skólastofu greinir Jóhann Þór frá vangaveltum sínum
og upplifununum af þátttöku í áhugaverðum vinnustofum fyrir stærðfræðikennara.

Jóhann Þór hefur verið að þróa kennslu byggða á hugmyndafræði Peter Liljedal um Hugsandi skólastofu í Grundaskóla.

Áhugavert er að lesa um hvernig þátttaka hans í ráðstefnunni hefur styrkt hann og gefið honum nýjar hugmyndir sem nýtast beint í stærðfræðikennslu unglinganna í Grundaskóla.

Í apríl birtist grein í Flatarmálum um vinnu hans með foreldum sem gagnlegt er að lesa og nýta má hugmyndir þaðan til að prófa.

Í Flatarmáli var að birtast greinin, Er bara allur heimurinn gerður úr þríhyrningum?

Í henni segir Unnur Óskarsdóttir frá skemmtilegu stærðfræðiverkefni sem hún vann með nemendum í 1. og 2. bekk í Seyðisfjarðarskóla.

Verkefni nemenda fólst í vinnu með rúmfræðiform. Góður tími var gefinn í umræður og nemendur leituðu að formum og skoðuðu þau vel.

Nemendur voru mjög áhugasamir og varð áhugi þeirra til þess að einfalt verkefni varð að góðu rannsóknarverkefni eins og sjá má á myndum sem eru í greininni.

Mælt með

Nú má finna á vef Flatarmála undir síðunni Verkefni níu fjölbreytt þemahefti fyrir miðstig ásamt kennsluleiðbeiningum. Þar má kanna dýralíf Afríku, fara á slóðir jökla og siglinga, glíma við rökþrautir og uppgötva stærðfræði í mynstrum og töfraheimi bókmenntanna.

Þemaheftin komu út hjá Námsgagnastofnun (nú MMS) á árunum 2002-2006. Heftin eru hluti af námsefninu Geisli og taka á mörgum þáttum stærðfræðinnar. Verkefnin gefa nemendum tækifæri til að rannsaka, skapa og ræða ólíkar lausnaleiðir. Nota má heftin í heild eða velja einstök verkefni, bæði í stærðfræðikennslu og sem útgangspunkt í samþættum verkefnum.

Útgefandi og höfundar texta og mynda hafa gefið góðfúslegt leyfi fyrir birtingu á vef Flatarmála.

Þemahefti fyrir miðstig

Hér má finna níu þemahefti fyrir miðstig og kennsluleiðbeiningar. Þemaheftin komu út hjá Námsgagnastofnun (nú MMS) á árunum 2002-2006. Þessi hefti eru hluti af námsefninu Geisli. Viðfangsefni eru fjölbreytt og taka á mörgum þáttum stærðfræðinnar. Heftin má bæði nota sem útgangspunkt í samþættum verkefnum og sjálfstætt. Útgefandi og höfundar texta og mynda hafa gefið góðfúslegt leyfi fyrir birtingu á vef Flatarmála.

Dýr í Afríku

Þemahefti
Kennsluleiðbeiningar

Dýr í Afríku er þemahefti fyrir miðstig sem tengir stærðfræði við dýralíf Afríku. Megináherslan er á tölfræði þar sem nemendur safna gögnum, setja þau fram í myndritum og túlka niðurstöður. Kennsluleiðbeiningar fylgja heftinu.

Birt með góðfúslegu leyfi höfunda.
Texti: Guðbjörg Pálsdóttir
Myndir: Halla Sólveig Þorgeirsdóttir

Dýr í AfríkuDownload

Hve stórt er STÓRT?

Þemahefti
Kennsluleiðbeiningar

Hve stórt er STÓRT? er þemahefti fyrir miðstig með áherslu á mælingar, hlutföll og sjónarhorn. Nemendur áætla stærðir, vinna með mælikvarða og stækkun og minnkun og kanna burðarþol. Kennsluleiðbeiningar fylgja heftinu.

Birt með góðfúslegu leyfi höfunda.
Texti: Guðný Helga Gunnarsdóttir.
Myndir: Sigurður Ingi Jensson

Hve stórt er STÓRTDownload

Jöklar

Þemahefti
Kennsluleiðbeiningar

Jöklar er þemahefti fyrir miðstig sem tengir stærðfræði við jökla og loftslagsbreytingar. Áhersla er á að lesa úr töflum og myndritum, vinna úr upplýsingum, draga ályktanir og reikna flatarmál og rúmmál. Verkefnin tengja stærðfræði við náttúrufræði og daglegt líf. Kennsluleiðbeiningar fylgja heftinu.

Birt með góðfúslegu leyfi höfunda.
Texti: Guðrún Angantýsdóttir
Myndir: Ingibjörg Hanna Bjarnadóttir

JöklarDownload

Mynstur

Þemahefti
Kennsluleiðbeiningar

Mynstur er þemahefti fyrir miðstig með áherslu á mynstur, regluleika og mynsturgerð. Nemendur skoða mynstur í umhverfi sínu, kynnast speglun, hliðrun og snúningi og skapa eigin mynstur. Verkefnin tengja stærðfræði við náttúru, myndlist og handverk. Kennsluleiðbeiningar fylgja heftinu.

Birt með góðfúslegu leyfi höfunda.
Texti: Guðrún Angantýsdóttir
Myndir: Halla Sólveig Þorgeirsdóttir

MynsturDownload

Reiknitæki

Þemahefti
Kennsluleiðbeiningar

Reiknitæki er þemahefti fyrir miðstig sem fjallar um þróun reiknitækja, allt frá einföldum ristum í tré til töflureikna. Nemendur kynnast ólíkum reiknitækjum og nota vasareikni og töflureikni til að rannsaka talnasambönd, reikniaðgerðir og vinna úr gögnum. Kennsluleiðbeiningar fylgja heftinu.

Birt með góðfúslegu leyfi höfunda.
Texti: Jónína Vala Kristinsdóttir
Myndir: Ingimar Waage

ReiknitækiDownload

Rökþrautir

Þemahefti
Kennsluleiðbeiningar

Rökþrautir er þemahefti fyrir miðstig með áherslu á rökhugsun, röksemdafærslu og þrautalausnir. Nemendur glíma við fjölbreyttar þrautir, leita ólíkra lausnaleiða, sannreyna niðurstöður og útskýra hugsun sína fyrir öðrum. Kennsluleiðbeiningar fylgja heftinu.

Birt með góðfúslegu leyfi höfunda.
Texti: Jónína Vala Kristinsdóttir
Myndir: Ingimar Waage

RökþrautirDownload

Siglingar

Þemahefti
Kennsluleiðbeiningar

Siglingar er þemahefti fyrir miðstig sem tengir stærðfræði við báta og siglingar. Nemendur vinna meðal annars með hlutföll, flutninga, mælikvarða, prósentur, hnitakerfi, hnútafræði og myndrit. Verkefnin fela í sér að kanna kostnað, mæla vegalengdir á korti og gera líkan af báti. Kennsluleiðbeiningar fylgja heftinu.

Birt með góðfúslegu leyfi höfunda.
Texti: Jónína Vala Kristinsdóttir
Myndir: Ingimar Waage

SiglingarDownload

Sund

Þemahefti
Kennsluleiðbeiningar

Sund er þemahefti fyrir miðstig sem tengir stærðfræði við sund og sundlaugar. Áhersla er á að lesa úr töflum, reikna með stórum tölum, nota mælikvarða og finna flatarmál. Einnig vinna nemendur með tíma, vegalengdir og kostnað. Kennsluleiðbeiningar fylgja heftinu.

Birt með góðfúslegu leyfi höfunda.
Texti: Guðrún Angantýsdóttir og Jónína Vala Kristinsdóttir.
Myndir: Kristín Ragna Gunnarsdóttir

SundDownload

Töfrar

Þemahefti
Kennsluleiðbeiningar

Töfrar er þemahefti fyrir miðstig sem tengir stærðfræði við bókina Abrakadabra eftir Kristínu Steinsdóttur. Verkefnin eru í léttum dúr og reyna á rökhugsun, innsæi og talnaskilning. Nemendur vinna meðal annars með mynstur, brot, hlutföll, mælingar og tímareikninga. Kennsluleiðbeiningar fylgja heftinu.

Birt með góðfúslegu leyfi höfunda.
Texti: Jónína Vala Kristinsdóttir.
Myndir: Kristín Ragna Gunnarsdóttir

TöfrarDownload