Summer Math Summit er ókeypis rafræn ráðstefna fyrir stærðfræðikennara sem fer fram dagana 25.–28. júní. Á ráðstefnunni eru yfir 50 erindi þar sem kennarar og sérfræðingar deila hagnýtum hugmyndum, kennsluaðferðum og innblæstri fyrir stærðfræðikennslu á öllum skólastigum. Kynntu þér dagskrána og fáðu nýjar hugmyndir til að efla stærðfræðinám og kennslu.

Árleg ráðstefna um Hugsandi skólastofu verður haldin í New Haven, Connecticut í lok júní.

Þar verða í boði fyrirlestrar, vinnustofur og tækifæri til að ræða við áhugasama kennara og fræðimenn um leiðir við sköpun og þróun leiða við Hugsandi skólastofu.

Stærðfræðikennarinn og aðstoðarspjallmennið

Notar þú aðstoðarspjallmenni við gerð vinnublaða, hópverkefna eða verkefnaraða í stærðfræði?

Á þessu hagnýta námskeiði gefst stærðfræðikennurum í 5.–10. bekk grunnskóla og framhaldsskólum tækifæri til að ræða saman, prófa sig áfram og kynnast ábyrgri notkun spjallmenna sem hjálparhellu við undirbúning kennslu.

Fjallað verður um leiðir til að útbúa sérhæfðar gervigreindarhjálparhellur, hönnunarviðmið sem geta stutt við gerð vinnublaða, hópverkefna og verkefnaraða, auk þess sem farið verður yfir reynslu, ráð og atriði sem vert er að hafa í huga við notkun spjallmenna.

Þátttakendur fá tækifæri til að vinna verkefni, skiptast á reynslu og kynnast nýjum rannsóknum um notkun gervigreindar í skólastarfi og reynslu kennara frá Norðurlöndum og Eystrasaltsríkjunum.

Námskeiðið hentar bæði þeim sem eru að stíga sín fyrstu skref í notkun gervigreindar og þeim sem þegar hafa reynslu af slíkum verkfærum.

Námskeiðið byrjar 19. október og lýkur 9. nóvember 2026 (3 skipti, kl. 15:00–16:30). Nánari upplýsingar og skráning hjá Endurmenntun Háskóla Íslands.

NORSMA 12 er norræn ráðstefna sem haldin verður í lok október í Osló. Þetta er norræn ráðstefna um stærðfræði fyrir alla. Á ráðstefnunni verður fjallað um spurningar sem snúa að stærðfræði og sérkennslu á Norðurlöndunum. Þemað í ár er DEIA sem stendur fyrir fjölbreytni (diversity), jafnræði (equity), inngilding (inclusion) og aðgengi (access). Kynntar verða rannsóknir og kennarar segja frá reynslu sinni.

Á ráðstefnunni er því tækifæri fyrir íslenska kennara að kynna hugmyndir sínar, deila reynslu sinni og taka þátt í umræðum.

Nánari upplýsingar má fá hjá hér eða hjá fulltrúum Íslands í ráðstefnunefndinni: Eddu Óskarsdóttur (eddao@hi.is) og Ósk Dagsdóttur (oskdags@hi.is).

Á Opnu Menntafléttunni þetta skólaárið eru fjölbreytt námskeið í boði fyrir öll skólastig:

Leikskóli:
🌱 Magnskilningur leikskólabarna
🌱 Stærðfræðin í leik barna
🌱 Stærðfræðin í umhverfi leikskólabarna

Grunnskóli yngsta stig:
🌿 Stærðfræðinám og upplýsingatækni
🌿 Talna- og aðgerðaskilningur
🌿 Tengsl og breytingar í stærðfræði
🌿 Tungumál stærðfræðinnar

Grunnskóli miðstig:
🪴 Stærðfræði og forritun
🪴 Stærðfræðinám og upplýsingatækni
🪴 Tengsl og breytingar í stærðfræði
🪴 Tungumál stærðfræðinnar

Grunnskóli unglingastig:
🌲 Greindu betur – samþætting stærðfræði, tölfræði og samfélagsgreina
🌲 Stærðfræði og forritun
🌲 Stærðfræðinám og upplýsingatækni
🌲 Tengsl og breytingar í stærðfræði
🌲 Tungumál stærðfræðinnar

Framhaldsskóli:
🌳 Greindu betur – samþætting stærðfræði, tölfræði og samfélagsgreina
🌳 Stærðfræði og forritun
🌳 Tungumál stærðfræðinnar

Í fimmta Önnuhorni er kastljósinu beint að brautryðjendastarfi Önnu Kristjánsdóttur á sviði upplýsingatækni í menntun. Greinin sýnir hvernig hún sá möguleikana á notkun tölva í námi áratugum áður en þær urðu sjálfsagður hluti af skólastarfi og átti Anna stóran þátt í að móta þessa þróun hér á landi.

Önnuhorn, fimmti þáttur: Notkun upplýsingatækni í skólastarfi.

Raðaðu tölunum 1-9 í reitina þannig að jafnan verði sönn. Hverja tölu má aðeins nota einu sinni.

Hljómar einfalt, en hversu langt getur slík þraut leitt okkur?

Í greininni Rannsóknir fyrir stærðfræðinga á öllum aldri, eftir Ingólf Gíslason, skoðum við verkefni fyrir unga nemendur sem þróast í stærðfræðilega rannsókn, reiknihugsun og forritun og leiðir að lokum til nýrrar talnarunu í alþjóðlegum gagnagrunni.

Mladen Zivanovic kennari við Landakotsskóla skrifar áhugaverða grein um faglega notkun gervigreindar í stærðfræðikennslu. Hann gerði rannsókn þar sem niðurstöður hans urðu ekki þær sem hann vonaðist eftir. Í kjölfarið hannaði hann vefsíðu með hagnýtar hugmyndir um hvernig megi nýta gervigreind í stærðfræðikennslu. við lestur greinarinnar – Gervigreind í kennslustofunni: Hugmyndir fyrir stærðfræðikennara – kynnistu bæði rannsókn og vefsíðu Mladens.

Nú hefur Önnuhorn fjórði þáttur verið birtur í Flatarmálum. Þar eru dregin fram áhugaverð skrif hennar um þátttöku Íslands í TIMMS og norrænum keppnum. Nú þegar ákveðið hefur verið að Íslendingar taki aftur þátt í TIMMS er gagnlegt að lesa greinar Önnu sem birtust í Morgunblaðinu fyrir þrjátíu árum.

Foreldrar prófa leiðir
Hugsandi skólastofu

Margir íslenskir kennarar eru að prófa sig áfram við að skapa Hugsandi skólastofu í stærðfræði. Einn af þeim er Jóhann kennari í Grundaskóla. Hann skrifar nú grein í Flatarmál þar sem hann segir frá leiðum sínum. Mjög áhugavert er að hann bauð foreldrum að koma og prófa að takast á við stærðfræði í Hugsandi skólastofu.

Í Söguhorni Flatarmála birtist nú ný og áhugaverð grein eftir Kristínu Bjarnadóttur. Þar segir Kristín frá þríhyrningi Pascals í sögulegu samhengi og tengir þríhyrninginn bæði við tvíliðareglu algebrunnar og líkindareikning þar sem hún veltir fyrir sér líkindum á fjölda stúlkna og drengja í systkinahóp.

Fimm ára kennaranám með áherslu á stærðfræði: Reynsla 5. árs nema

Í Flatarmálum var að birtast grein þar sem Bergur Ari Sveinsson segir frá reynslu sinni af kennaranámi sínu. Bergur Ari er á 5. ári í kennaranámi og hefur valið að leggja áherslu á stærðfræðimenntun. Hann greinir frá viðhorfum sínum til vettvangsnámsins og hvað hann telur skipta máli fyrir kennaranema. Eitt af umræðuefnum hans er fjarnám og staðnám og þær hindranir sem hann sér koma upp í fjarnámi. Mikilvægt innlegg í umræðuna um stærðfræðikennaranám.

Talar PISA sínu máli?

Jóhann Örn Sigurjónsson skrifar áhugaverða grein um túlkun og notkun niðurstaðna úr PISA könnuninni. Hann dregur fram sjónarmið sérfræðinga á sviði námsmats og bendir á að PISA-gögn séu oft mistúlkuð, auk þess sem hann fjallar um þær takmarkanir sem felast í þeim. Greinin býður upp á áhugaverða umhugsun um hvernig nýta megi niðurstöður slíkra kannana á uppbyggilegan hátt í stað þess að nota þær sem bitbein í umræðu um menntamál.

Hópur vísindamanna innan Háskóla Íslands hefur síðustu misseri unnið að því að nýta aðferðir hugsandi skólastofu (e. thinking classroom) í námskeiðinu Stærðfræðigreining I við Verkfræði- og náttúruvísindasvið til að bæta námsárangur nemenda sem áður höfðu fallið í námskeiðinu. Aðferðirnar hafa gefið góða raun og hafa verið teknar upp í fleiri námskeiðum innan skólans.

„Í stuttu máli erum við að rannsaka hvort og hvernig megi rjúfa hefðbundna fyrirlestrahefð háskólans til að dýpka skilning nemenda í STEM-greinum; raunvísindum, tæknigreinum, verkfræði og stærðfræði,“ segir Bjarnheiður Kristinsdóttir, lektor við Deild faggreinakennslu á Menntavísindasviði, um þetta rannsókna- og þróunarverkefni.

Alla fréttina má lesa hér.