Í haust og næsta sumar verður Peter Liljedahl á ferð um Danmörku og Ísland og því gefst tækifæri til að taka þátt í námskeiðum á hans vegum.
Þau sem vilja fara í skólaheimsóknir í Danmörku tengt námskeiðunum í Álaborg geta haft samband við Kenneth Riis Pooulsen kerp@ucn.dk fyrir lok ágúst (til að tími gefist til skipulagningar)
Takið dagana 9. – 13. júní 2025 frá fyrir námskeið Peter Liljedahl hér á Íslandi!
CFU í Álaborg, Danmörku
• 31. október – Hvernig við notum aðferðir hugsandi skólastofu í öllum faggreinum á öllum skólastigum fyrir alla kennara https://ucn.dk/cfu/kurser-og-temadage/building-thinking-classrooms-i-alle-fag
CFU í Árósum, Danmörku
• 4. nóvember – Námskeið leitt af dönskum kennurum um hvernig nota megi aðferðir hugsandi skólastofu við móðurmálskennslu (ath. þetta námskeið er á dönsku) með áherslu á leikskólastig og 1.-4. bekk grunnskóla https://cfu.via.dk/kurser-og-konferencer/77838-det-taenkende-danskfag
CFU í Hróarskeldu (Roskilde), Danmörku
• 6. nóvember 2024 – Framhaldsnámskeið um að festa námsefnið í sessi (consolidation) og hvernig við ljúkum kennslustund í hugsandi skólastofu með áherslu á miðstig og ungilngastig https://cfu.kp.dk/events/building-thinking-classrooms-skridtet-videre-om-opsamling-og-afslutning-af-lektionen/
Reykjavík, Íslandi
Dagana 9.-13. júní 2025 verða haldin inngangsnámskeið og framhaldsnámskeið – takið þessa daga frá!
Í dag birtist ný grein í Söguhorni Flatarmála. Að þessu sinni skrifar Kristín Bjarnadóttir um keilusnið á skemmtilegan og fjölbreyttan hátt. Hún fjallar um keilulaga fjöll í náttúru og listum, segir frá íslenskum heitum keilusniða og tengir keilusnið meðal annars við hnitakerfi og himintunglin. Margar myndir prýða greinina og vann Bjarnheiður Kristinsdóttir flestar þeirra í GeoGebra forritinu.
Fátt er áhugaverðara og skemmtilegra en að hitta aðra stærðfræðikennara og ræða um stærðfræðinám og -kennslu, bæði í eigin skóla sem og hitta kennara úr öðrum skólum.
Í vetur gefst stærðfræðikennarahópum á öllum skólastigum tækifæri til þess að taka þátt í Menntafléttunámskeiðum sem lesa má nánar um í greininni:
Menntafléttan – Opna Menntafléttan: Tilboð til stærðfræðikennarahópa.
Meginmarkmið námskeiðanna er að gefa kennurum efni í hendur til að efla námssamfélag sitt í gegnum umræður um stærðfræðimenntun og sameiginlega skipulagningu kennslu út frá aðstæðum og áhuga í hverjum skóla.
Í leikskólum er kjörið tækifæri til að byggja góðan grunn fyrir frekara stærðfræðinám.
Í greininni Stærðfræði í leikskóla er sagt frá námskeiðum Opnu Menntafléttunnar um stærðfræðinám leikskólabarna. Það er von höfunda að skrifin verði hvatning fyrir kennara til að nýta sér námskeiðin á og kveiki áhuga á stærðfræði í leikskóla.
Í fyrsta hlaðvarpsþætti Flatarmála var rætt við þær Elísabetu Eggertsdóttur og Sigrúnu Lilju Guðbjörnsdóttur kennara við Menntaskólann við Sund.
Síðastliðinn vetur unnu þær rannsókn á sinni eigin kennslu og skoðuðu hvers konar verkefni nemendum þætti vert að vinna.
Hlusta má á hlaðvarpið hér en einnig má finna hér á vefnum verkefni sem notast var við í rannsókninni.
DAGUR STÆRÐFRÆÐINNAR
– ÞEMAHEFTI
LOKSINS Á RAFRÆNU FORMI
Dagur stærðfræðinnar hefur flakkað nokkuð til á dagatalinu hér á landi. Upphaflega var ákveðið að halda Dag stærðfræðinnar þann 27. september í tilefni af alþjóðlegu ári stærðfræðinnar aldamótaárið 2000. Sú dagsetning þótti ekki henta af ýmsum ástæðum og því var ákveðið að færa hann þannig að hann væri fyrsta föstudag í febrúar. Seinna var hann færður aftur því hann rakst oft á við Dag leikskólans 1. febrúar en þá var Pí-dagurinn 14. mars fyrir valinu. Á þeim degi er einmitt alþjóðlegum degi stærðfræðinnar einnig fagnað.
Á hverju ári hefur verið valið þema og útbúin verkefni fyrir kennara til að nýta með nemendum sínum í tilefni dagsins. Fyrstu sex árin voru gefin út sérstök þemahefti sem nú má loksins finna á rafrænu formi en heftin eru gullkistur fullar af hugmyndum og verkefnum.
Miðja máls og læsis hefur tekið saman allt efni stöðumats ÍSAT nemenda á Padlet vegg. Þar er hægt að finna stöðumatshefti í stærðfræði fyrir ÍSAT nemendur á mörgum mismunandi tungumálum. Heftin er hægt er að leggja fyrir í kennslustundum og flestir nemendur geta unnið nokkuð sjálfstætt í þeim.
Stöðumatsheftunum er skipt í nokkra flokka:
– 1 – 3. bekkur
– talnaskilningur og reikniaðgerðir
– líkindi og tölfræði
– rúmfræði
– algebra
Hér er svo að finna allar upplýsingar um stöðumat nýkominna barna
Til hvers þarf maður að læra stærðfræði þegar við getum notað reiknitölvu?
Kristín Bjarnadóttir. Keila er heillandi form. Listamenn hafa glímt við að fanga keilulaga fjöll í málverkum og ljóðum. Eldfjöll, sem gjósa einu sinni þunnfljótandi hrauni sem streymir jafnt niður til allra hliða, geta orðið keilulaga. Eldfjöll með keilulagi nefnast dyngjur. Mynd 1 sýnir fjallið Skjaldbreiði, nánast fullkomlega keilulaga. Talið er að Skjaldbreiður hafi orðið til…
Námskeið um stærðfræði í leikskóla – Opna Menntafléttan Á vef Opnu Menntafléttunnar má nálgast námskeið um stærðfræðinám leikskólabarna. Námskeiðið heitir Stærðfræðin í leik barna og er fyrsta námskeiðið af þremur í flokknum Stærðfræði í leikskóla. Líkt og önnur námskeið Menntafléttunnar byggir það á samvinnu kennara og sameiginlegri ígrundun þeirra um vinnu með börnum. Námskeiðið er…
Tilboð til stærðfræðikennarahópa Birna Hugrún Bjarnardóttir og Guðbjörg Pálsdóttir. Í Menntafléttunni er boðið upp á netnámskeið fyrir stærðfræðikennara. Nú eru fimm stærðfræðinámskeið í boði í Opnu Menntafléttunni og tvö í Menntafléttunni. Fleiri stærðfræðinámskeið munu verða opnuð í Opnu Menntafléttunni í vetur. Í Opnu Menntafléttunni er gert ráð fyrir sjálfstæðri vinnu námssamfélaga en í Menntafléttunni er…
Í heimsfaraldrinum breyttust námsskilyrði framhaldskólanema þó nokkuð þar sem nám þeirra færðist að stærstum hluta á netið. Þegar þeir snéru aftur í skólabyggingarnar virtist sem áhuginn nemenda fyrir verkefnum hafa breyst og þeir sáu minni tilgang í verkefnavinnu. Það var upplifun þeirra Elísabetu Eggertsdóttur og Sigrúnar Lilja Guðbjörnsdóttur kennara við Menntaskólann við Sund. Með styrk…
Skapandi stærðfræðiverkefni – almenn brot Arna Björk Hafberg Gunnarsdóttir. Á dögunum unnu nemendur í 6. bekk, skemmtilegt verkefni sem við kölluðum Pizzastaðinn. Teymið mitt (höfundur og samstarfskennari) var á höttunum eftir skapandi verkefni sem hægt væri að vinna með nemendum. Höfundur leitaði á náðir veraldarvefsins og sá að margt var í boði. Kennarar um allan…
Leikskólinn Vinagarður er sjálfstætt starfandi leikskóli sem staðsettur er á skjólgóðum stað við enda Laugardalsins í Reykjavík. Leikskólinn er umkringdur hentugum svæðum til útiveru og útikennslu og er náttúran ein af áherslum skólans. Elsta deild skólans, Uglugarður, nýtir opið skógarsvæði til allrar útiveru og er leikurinn þar algjörlega sjálfsprottinn hjá börnunum með því sem þau…
Viðtal við Auði Lilju Harðardóttur um Stærðfræðikennslu byggða á skilningi barna Á undanförnum árum hefur Auður Lilja Harðardóttir, kennari við Ísaksskóla, unnið með Stærðfræðikennslu byggða á skilningi barna (SKSB). Þar er megináhersla lögð á að opna leiðir fyrir börn til að efla talna- og aðgerðaskilning sinn. Kennsluhættirnir byggja á því að lagðar eru þrautir fyrir…
Ingólfur Gíslason. Samræður við gervinemanda um vitneskjurökþrautir. Þessi grein fjallar um: Ég gef fyrst dæmi um þraut og ræði lausn á henni. Ég beini svo athyglinni að samtali kennaranema við spjallmenni um samskonar þraut, þar sem kennaraneminn leiddi spjallmennið að lausn þrautarinnar. Í gegnum samtalið og umfjöllun um þrautirnar kemur í ljós hve mikilvægt það…
Lena Landgren. Guðný Helga Gunnarsdóttir þýddi. Tölfræði má gera merkingarbæra strax í leikskóla. Höfundur fjallar um hagnýtt verkefni sem leikskólabörnin leystu með því að búa til súlurit. Röng svör sem kennarinn varpaði fram á meðvitaðan hátt sköpuðu námstækifæri. Atkvæðagreiðsla Á leikskóla einum voru fjögur svæði sem þurfti að gefa nafn. Nöfn á sumum svæðum voru…
Haldið var upp á alþjóðlegan dag stærðfræðinnar í Krikaskóla í Mosfellsbæ á pí deginum þann 14. mars 2024. Þema dagsins var Leikið með stærðfræði. Hefð hefur skapast fyrir að hafa stærðfræðidag í Krikaskóla á þessum degi. Það er mikilvægt fyrir hvern skóla að skapa sér hefðir og menningu sem styður við skólabraginn. Þemadagar eru leið…