Námskeið um aðferðir hugsandi skólastofu verða haldin í Reykjavík á vegum HÍ og HR. Peter Liljedahl, prófessor í stærðfræðimenntun við Simon-Fraser Háskólann í Kanada leiðir námskeiðin.
10. – 11. júní fyrir framhaldsskóla- og háskólakennara.
12. – 13. júní fyrir grunnskóla- og framhaldsskólakennara
Námskeiðin eru kennd kl. 9 – 12 og 13 – 16 báða dagana. Hádegisverður er innifalinn í námskeiðinu en þátttökugjald er 5.000 kr.
Námskeiðin eru sambærileg þar sem þátttakendur kynnast aðferðum hugsandi skólastofu og sérstaklega verður skoðað hvernig festa megi námsefnið í sessi (e. consolidation) í hugsandi skólastofu.
Námskeiðin eru kennd með kennara stærðfræði, eðlis- og náttúruvísinda í huga en aðferðirnar gagnast líka kennurum í tungumálum, hugvísindum, félagsvísindum og fleiri greinum.
Þau sem eru með talsverða reynslu af hugsandi skólastofu og beita henni í sinni kennslu geta tekið þátt í fundi með Peter Liljedahl (spurt&svarað með áherslu á rannsóknartækifæri og starfsþróun) eftir hádegi mánudaginn 9. júní.
Skráning á námskeiðin fer fram hér: https://forms.gle/gukGMTAMvALwxc897 Skráningum lýkur mánudaginn 26. maí 2025.
Það er gaman að segja frá því að Flatarmálum bárust fjölmargar myndir af listrænum og skapandi verkefnum frá degi stærðfræðinnar og greinilegt að dagurinn var haldinn hátíðlegur í mörgum skólum og á öllum stigum. Hér má skoða myndirnar.
Þrjú ný námskeið eru nú aðgengileg á vef Opnu Menntafléttunnar og eru þau um Stærðfræðinám og upplýsingatækni fyrir öll aldursstig grunnskólans.
Virk þátttaka í starfsþróun gefur kraft til að þróa áfram eigin kennsluhætti. Nanna Dóra Ragnarsdóttir er kennari sem hefur alla tíð sýnt eigin starfsþróun umhyggju og er alltaf að þróa vinnubrögð og nálgun í stærðfræðikennslu sinni.
Í greininni Hugsandi skólastofa – saga úr skólastofu, sem var að birtast í Flatarmálum, greinir hún frá hvernig hún hefur nýtt hugmyndir um hugsandi skólastofu og reynslu af þátttöku í námskeiði árið 2019 til að vinna með nemendum sínum á unglingastigi. Í greininni koma fram hugleiðingar hennar og dæmi um verkefni sem hún hefur unnið með út frá hugmyndum um hugsandi skólastofu.
Nokkrar greinar hafa áður birst í Flatarmálum um hugsandi skólastofur og í júní 2025 verður hugmyndasmiðurinn Peter Liljedahl með námskeið fyrir stærðfræðikennara hér á landi. Hugmyndum um hugsandi skólastofu hefur verið vel tekið af stærðfræðikennurum og gaman er að sjá hve stærðfræðikennarar eru áhugasamir um að þróa stærðfræðikennslu sína. Í greininni Hugsandi skólastofu – saga úr skólastofu fáum við gott dæmi um það.
Í nýjustu grein Flatarmála, 1, 2, 3… Úbbs! Gaman að kenna ungum nemendum stærðfræði, leggur Nicoleta Mihai áherslu á leik og útinám sem lykilþætti í stærðfræðinámi ungra barna. Í gegnum leik og könnun þróa börnin jákvætt viðhorf til stærðfræði, byggja upp sjálfstraust og trú á eigin getu. Hún deilir einnig skemmtilegum dæmum um verkefni sem ýta undir samvinnu og félagsfærni, þar sem börnin glíma saman við stærðfræðilegar áskoranir í útinámi.
Í tilefni af Degi stærðfræðinnar 2025 hefur Ósk Dagsdóttir skrifað grein um þema dagsins, stærðfræði, listir og sköpun. Í greininni Dagur skapandi stærðfræðinnar fjallar hún um hve mikilvægur þáttur sköpun er í stærðfræðinámi á öllum skólastigum. Gefnar eru hugmyndir um nálgun og vinnubrögð og dæmi um verkefni í helstu inntaksþáttum stærðfræðinnar.
👉 Þraut 1: svar 👉 Þraut 2: svar
👉 Þraut 3: svar 👉 Þraut 4: svar
👉 Þraut 5: svar 👉 Þraut 6: svar
👉 Þraut 7: svar 👉 Þraut 8: svar
👉 Þraut 9: svar 👉 Þraut 10: svar
Næstu 10 vikurnar verða birtar þrautir hér á vefnum, ein í hverri viku. Svar við hverri þraut verður birt viku síðar. Vonandi hafið þið og jafnvel nemendur ykkar bæði gagn og gaman af. Gangi ykkur vel og góða skemmtun!
Matematik didaktik – webinarer
Nationalt Center for Udvikling af Matematikundervisning (NCUM) býður upp á fjölbreytt úrval vefsamtala í samstarfi við Dansk Matematisk Forening (DMN) og Københavns Professionshøjskole (KP).
Í þessum vefsamtölum kynna leiðandi sérfræðingar og rannsakendur í stærðfræðimenntun rannsóknir sínar og ræða aðferðir til að efla skilning nemenda á stærðfræði.
Efnið má finna undir flipanum Áhugavert hér á vefsíðunni.
GeoGebra er gagnlegt tæki fyrir kennara í námsefnisgerð, við innlagnir og fyrir nemendur til að rannsaka og skoða ýmsa þætti stærðfræðinnar. Bjarnheiður Kristinsdóttir lektor við Menntavísindasvið HÍ hefur útbúið greinargott efni á íslensku um hvernig nýta má GeoGebru í stærðfræðikennslu. Efnið má finna undir flipanum Verkefni hér á vefsíðunni.
Jóhann Örn Sigurjónsson. Þessi grein byggir á erindi mínu á námstefnu Flatar sem haldin var á 30 ára afmæli samtakanna þann 4. mars 2023. Ég segi í stuttu máli frá hluta niðurstaðna úr doktorsverkefni mínu um hugræna virkjun í stærðfræðikennslu á Íslandi (Jóhann Örn Sigurjónsson, 2023). Ég leitast við að útskýra hvað hugræn virkjun er,…
Valdís Ingimarsdóttir og Unnur Henrysdóttir. Helgina 3. og 4. mars sl. var haldin námstefna á vegum Flatar, samtaka stærðfræðikennara. Um leið var haldið upp á 30 ára afmæli samtakanna og var þetta í fyrsta skipti í nokkuð mörg ár sem leikskólakennarar taka þátt í námstefnunni. Við undirritaðar fengum þann heiður að vera fulltrúar leikskólans og buðum…
Nanna Kristjánsdóttir. Stelpur diffra eru sumarnámsbúðir í stærðfræði fyrir stelpur og stálp á framhaldsskólaaldri sem hafa áhuga á að kynna sér námsefni umfram það sem kennt er í hefðbundinni námskrá. Námsbúðirnar hafa það að markmiði að veita þessum hópi rými til að fræðast meira um stóran heim stærðfræðinnar, kynnast hvert öðru og alls konar fyrirmyndum…
Guðbjörg Pálsdóttir og Laufey Einarsdóttir. Flötur, samtök stærðfræðikennara, voru stofnuð 3. mars 1993 og eiga því 30 ára afmæli á þessu ári. Aðdragandi að stofnun samtakanna má lesa um í greininni, Skyggnst í faglega þróun íslenskra stærðfræðikennara, sem finna má í 20 ára afmælisriti Flatarmála 2013. Stærðfræðikennarar höfðu áður margir tekið þátt í alls kyns námskeiðum og fræðslufundum. Þannig hafði skapast grundvöllur fyrir stofnun samtaka sem strax frá upphafi gætu skapað tækifæri fyrir stærðfræðikennara…
Harpa Kolbeinsdóttir og Margrét S. Björnsdóttir Í nokkur ár hefur verið haldið úti öflugri starfsþróun í samstarfi Menntavísindasviðs Háskóla Íslands, Háskólans á Akureyri og Kennarasambands Íslands. Þessi starfsþróun gengur í dag undir nafninu Menntafléttan og eru á vegum hennar haldin námskeið fyrir öll skólastig. Eitt af námskeiðunum heitir Stærðfræðinám í leikskóla. Efni námskeiðsins er fengið…
Jónína Vala Kristinsdóttir Undanfarna áratugi hef ég verið svo heppin að fá tækifæri til að vinna með grunnskólakennurum sem hafa viljað bæta stærðfræðikennslu sína. Það hefur verið sameiginlegur þráður í starfi þessara kennara að þeir hafa lagt sig eftir að afla sér upplýsinga um hvernig stærðfræðinám barna þróast, ræða saman um það og ígrunda á…
Ingólfur Gíslason Verkefnið Vélmenni á talnalínu er að finna í myndbandinu Negative numbers in context. Tilgangur verkefnisins í myndbandinu er að auka skilning nemenda á neikvæðum tölum. Neikvæðum tölum er gefinn sá tilgangur að vera hluti af stærðfræðilegu líkani af staðsetningu og færslu í tvær mismunandi áttir. Skoðum fyrstu útfærsluna á mynd 1. Mynd 1….
Jóhann Örn Sigurjónsson Bjarnheiður Kristinsdóttir Ingólfur Gíslason Evrópskt samstarf á sviði stærðfræðimenntunar á sér orðið nokkra sögu. Rætur samstarfsins liggja í stofnun hins evrópska félags um rannsóknir í stærðfræðimenntun, ERME (European Society for Research in Mathematics Education) árið 1997 í Osnabrück. Allt síðan 1999 hefur ERME staðið fyrir ráðstefnum um rannsóknir á sviði stærðfræðimenntunar. Smærri…
Kristín Bjarnadóttir Ofmælt er ef til vill að allt sé stærðfræði eins og stundum heyrist fleygt þegar fólk vill tjá virðingu sína og hrifningu á undrum stærðfræðinnar. Öðrum dettur fátt í hug nema plús og mínus þegar minnst er á stærðfræði og hrista kollinn yfir yfirdrifnu lofi. Sumir þættir menningar og náttúru geyma samt stærðfræðileg…
Edda ÓskarsdóttirEyrún Óskarsdóttir Að kenna fjölbreyttum nemendahópi stærðfræði getur verið áskorun fyrir kennara. Þeirættu þó ekki að vera einir í því verkefni heldur geta leitað til samkennara, sérkennara eðaannarra sem þeir telja að geti stutt sig. Fjölbreyttir nemendahópar þurfa fjölbreyttar leiðir til að læra stærðfræði. Það segir sig sjálftað engin ein leið dugar til að…
