LÆRT 2025 verður haldið dagana 13.-15. nóvember 2025 í Menntaskóla Borgarfjarðar.
LÆRT dregur nafn sitt af lærdómssamfélagi raunvísinda- og tæknigreinakennara og er markmið þess að bjóða kennurum sem koma að STEM greinum upp á vettvang til að mynda tengsl, miðla reynslu og þróa sig í starfi.
Nánari upplýsingar ásamt dagskrá má finna á heimasíðu LÆRT: https://laert.is
Snemmskráningu lýkur 22. júní og skráning fer fram hér: tinyurl.com/laert-2025
Þrjú ný námskeið eru nú aðgengileg á vef Opnu Menntafléttunnar og eru þau um Stærðfræðinám og upplýsingatækni fyrir öll aldursstig grunnskólans.
Anna Kristjánsdóttir, fyrsti formaður Flatar, prófessor emerítus í stærðfræðimenntun og frumkvöðull á því sviði lést 9. apríl síðastliðinn. Í minningu hennar verður sérstakt Önnuhorn í Flatarmálum í vetur. Þar mun birtast hluti skrifa Önnu um stærðfræðinám og –kennslu frá áttunda áratug síðustu aldar og fram á þessa öld. Anna lagði mikla rækt við starfsþróun kennara og stuðning við stærðfræðikennara á vettvangi. Hún var framsækin og mörg skrifa henna eiga erindi við okkur í dag. Fyrsti þáttur Önnuhorns birtist í Flatarmálum í dag 14. október sem var afmælisdagur Önnu.
Í dag birtist greinin Heilabrot og hugkvæmni í Flatarmálum í tilefni þess að afmælisdagur Önnu Kristjánsdóttur prófessors í stærðfræðimenntun var 14. október en hún lést fyrr á þessu ári. Í greininni fjallar Þuríður Ástvaldsdóttir um námskeiðið Heilabrot og hugkvæmni sem var haldið í lok síðustu aldar og var ætlað stærðfræðikennurum. Námskeiðið var frumkvöðlaverkefni að ýmsu leyti eins og fram kemur í greininni. Anna Kristjánsdóttir var aðalhönnuður og stjórnandi námskeiðsins og var Þuríður henni til aðstoðar ásamt fleiri kennurum. Lögð var áhersla á mikilvægi skilnings nemenda í stærðfræðinámi og byggði námskeiðið á að nemendur fengju góðar þrautir til að glíma við. Í greininni er meðal annars sagt frá áherslum og fyrirkomulagi námskeiðsins og sagt frá nokkrum þrautum úr þrautabankanum sem tilheyrði námskeiðinu.
Hugsandi skólastofa – Yfir hundrað kraftmiklir stærðfræðikennarar tóku þátt í tveimur námskeiðum SamSTEM um hugsandi skólastofu í júní síðastliðnum. Leiðbeinandi á námskeiðunum var sjálfur maðurinn á bak við hugmyndina, Peter Liljedahl. Í Flatarmálum má nú lesa frásagnir þriggja grunn- og framhaldsskólakennara af þátttöku og vangaveltur að námskeiði loknu. Í greininni Hugsandi skólastofa – Reynsla kennara af þátttöku í námskeiðum má lesa um hve hvetjandi þátttaka í námskeiðum getur verið.
Af hverju eru unglingar alltaf að segja six seven?
Þetta er bara nýjasta TikTok-trendið 🤷♂️ en samt veit enginn almennilega hvað það þýðir. Upphrópuninni fylgja líka ákveðnar handahreyfingar ✋🤚
Er þá ekki tilvalið að henda í nokkur 6️⃣7️⃣ verkefni?
Á Mathequalslove.net má finna fullt af skemmtilegum 6️⃣7️⃣ verkefnum. Góða skemmtun! 😄
Fyrir forvitna má lesa meira um trendið six-seven, t.d. í þessum greinum:
🔗 Why Your Kids Keep Saying “Six-Seven”
🔗 What does 6 7 mean? The meme, explained
Andrés Önd og Undraheimur stærðfræðinnar (Donald in Mathmagic Land) er Disney-teiknimynd frá 1959 með íslensku tali. Í myndinni er sagt frá ferð Andrésar andar um stærðfræðiland. Hann er neikvæður gagnvart stærðfræði en fær margar jákvæðar upplifanir í gegnum myndina. Myndina má nýta í kennslu til að vinna með viðhorf til stærðfræði, hvað felist í stærðfræði og afmarkaða þætti stærðfræðinnar. Meðal annars er skoðað hvernig stærðfræði nýtist í spilum og leikjum, í byggingarlist, tónlist og myndlist, auk þess sem skoðað er hvernig margt í náttúrunni felur í sér stærðfræði. Myndin er gömul og því kemur sumt sem tengist tækni og vísindum einkennilega fyrir sjónir en tækni nútímans byggist á sömu lögmálum. Myndin getur því nýst sem kveikja og uppspretta vinnu með margvísleg viðfangsefni. Gott getur verið að horfa á hluta hennar í einu og vinna í framhaldinu með efni þess hluta. Góða skemmtun.
Teiknimyndin Andrés Önd og Undraheimur stærðfræðinnar var upphaflega gefin út á myndbandi af Námsgagnastofnun. En er nú fyrir tilstilli Nóa Kristinssonar aðgengileg á YouTube.
Kristín Bjarnadóttir. Ekki verður lengi rætt um þátt stærðfræðinnar í sögu vestrænnar menningar án þess að nafninu Evklíð bregði fyrir. Hver var Evklíð? Í raun er lítið vitað um manninn. Hann bjó í Alexandríu, grískri nýlenduborg sem Alexander mikli stofnaði árið 325 f.Kr. við ósa Nílar í Egyptalandi. Talið er að Evklíð hafi verið uppi…