Takið dagana 9. – 13. júní 2025 frá fyrir námskeið Peter Liljedahl hér á Íslandi!
Haldin verða bæði inngangsnámskeið og framhaldsnámskeið.
Miðstöð útivistar og útináms hjá Reykjavíkurborg býður upp á fjölbreyttar leiðir til útináms undir yfirskriftinni Úti er ævintýri. Stína Bang hefur nú skrifað grein fyrir Flatarmál þar sem gefin er innsýn í nálgun og vinnulag varðandi stærðfræðiratleiki sem boðið var upp á vorin 2023 og 2024. Nemendur voru áhugasamir og kepptust við að ná markmiðum og leysa fjölbreytt verkefni á hverri stöð. Lestur greinarinnar vekur hugmyndir og er hvatning til kennara að nýta þessa náglun í kennslu.
Rétt í þessu var að birtast ný grein í Flatarmálum sem Selma Hrönn Hauksdóttir skrifaði. Greinin ber heitið Tölum saman um stærðfræði – karamelluverkefnið.
Selma Hrönn er á námskeiðinu Tungumál stærðfræðinnar á Opnu Menntafléttunni ásamt samkennurum sínum. Í greininni segir hún frá áhugaverðu verkefni sem hún fékk á námskeiðinu og nemendur hennar í 6. bekk unnu. Selma Hrönn segir frá reynslu sinni og nemendanna við að vinna verkefnið. Greinina prýða margar vel unnar myndir sem sýna lausnaleiðir nemenda. Þetta er skemmtileg grein með flottum myndum frá nemendum.
Greinin Rúmfræði og teiknimyndapersónur eftir stærðfræðikennarana Írisi og Þóru Guðrúnu í Heiðarskóla birtist í Flatarmálum í dag. Í greininni segja þær stöllur frá mjög skemmtilegum rúmfræðiverkefnum sem þær hafa unnið með nemenum í 7.-10. bekk. Margar myndir prýða greinina og gefa góða innsýn í verkefnin auk þess sem hægt er að hlaða niður verkefnablöðum.
Flötur eru samtök stærðfræðikennara á öllum skólastigum. Samtökin eru opin öllum stærðfræðikennurum og öðru áhugafólki um stærðfræðinám og -kennslu.
Við hvetjum alla sem hafa áhuga á stærðfræðimenntun að bætast í frábæran hóp áhugafólks og kennara sem starfa á öllum skólastigum. Smelltu á gula hnappinn til að ganga í félagið.
Miðja máls og læsis hefur tekið saman allt efni stöðumats ÍSAT nemenda á Padlet vegg. Þar er hægt að finna stöðumatshefti í stærðfræði fyrir ÍSAT nemendur á mörgum mismunandi tungumálum. Heftin er hægt er að leggja fyrir í kennslustundum og flestir nemendur geta unnið nokkuð sjálfstætt í þeim.
Stöðumatsheftunum er skipt í nokkra flokka:
– 1 – 3. bekkur
– talnaskilningur og reikniaðgerðir
– líkindi og tölfræði
– rúmfræði
– algebra
Hér er svo að finna allar upplýsingar um stöðumat nýkominna barna
Námskeið um stærðfræði í leikskóla – Opna Menntafléttan Á vef Opnu Menntafléttunnar má nálgast námskeið um stærðfræðinám leikskólabarna. Námskeiðið heitir Stærðfræðin í leik barna og er fyrsta námskeiðið af þremur í flokknum Stærðfræði í leikskóla. Líkt og önnur námskeið Menntafléttunnar byggir það á samvinnu kennara og sameiginlegri ígrundun þeirra um vinnu með börnum. Námskeiðið er…
Harpa Kolbeinsdóttir og Margrét S. Björnsdóttir Í nokkur ár hefur verið haldið úti öflugri starfsþróun í samstarfi Menntavísindasviðs Háskóla Íslands, Háskólans á Akureyri og Kennarasambands Íslands. Þessi starfsþróun gengur í dag undir nafninu Menntafléttan og eru á vegum hennar haldin námskeið fyrir öll skólastig. Eitt af námskeiðunum heitir Stærðfræðinám í leikskóla. Efni námskeiðsins er fengið…