Á Opnu Menntafléttunni þetta skólaárið eru fjölbreytt námskeið í boði fyrir öll skólastig:
Leikskóli:
🌱 Magnskilningur leikskólabarna
🌱 Stærðfræðin í leik barna
🌱 Stærðfræðin í umhverfi leikskólabarna
Grunnskóli yngsta stig:
🌿 Stærðfræðinám og upplýsingatækni
🌿 Talna- og aðgerðaskilningur
🌿 Tengsl og breytingar í stærðfræði
🌿 Tungumál stærðfræðinnar
Grunnskóli miðstig:
🪴 Stærðfræði og forritun
🪴 Stærðfræðinám og upplýsingatækni
🪴 Tengsl og breytingar í stærðfræði
🪴 Tungumál stærðfræðinnar
Grunnskóli unglingastig:
🌲 Greindu betur – samþætting stærðfræði, tölfræði og samfélagsgreina
🌲 Stærðfræði og forritun
🌲 Stærðfræðinám og upplýsingatækni
🌲 Tengsl og breytingar í stærðfræði
🌲 Tungumál stærðfræðinnar
Framhaldsskóli:
🌳 Greindu betur – samþætting stærðfræði, tölfræði og samfélagsgreina
🌳 Stærðfræði og forritun
🌳 Tungumál stærðfræðinnar
Árgjaldið í félagið er 3500kr. Við biðjum alla þá sem hafa áhuga á að vera áfram í félaginu að skrá sig hér. Greiðsluseðill mun birtast í heimabanka fljótlega.
Gagnlegt er fyrir kennara við skipulagningu kennslu að hafa skýra sýn á nám nemenda og mögulegar leiðir í kennslu. Í greininni Stuðningsefni í stærðfræði: Vörður á leið að hæfni nemenda er greint frá tilurð og áherslum í stuðningsefni sem nú má finna á vef aðalnámskrá. Í stuðningsefninu eru sett fram lykilhugtök, skýringar á inntaki hæfniviðmiða, ábendingar um viðeigandi kennsluhætti, teningar við lykilhæfni og dæmi um námsmarkmið. Tilgangurinn er að styðja kennara í að móta kennsluna þannig að nemendur geti á sem farsælastan hátt unnið að því að ná hæfniviðmiðum.
Í greininni gefa Birna Hugrún og Laufey innsýn í vinnu starfshóps á vegum MMS og hvernig hæfniviðmið, námsmarkmið og námsmat þurfa að fléttast saman í eina heild.
Greinarnar Að meta framfarir í þágu náms: Matsferill í stærðfræði og Reiknirit, reiknihugsun og forritun: Nýjar áherslur í námskrá gefa líka góða innsýn í og grunn fyrir kennara að vinna út frá. Allar þessar þrjár greinar eru góður stuðningur við stærðfræðikennara til að vinna í anda aðalnámskrár grunnskóla.
Í endurskoðaðri aðalnámskrá grunnskóla (2024) eru í fyrsta skipti sett fram hæfniviðmið í stærðfræðihluta námskrárinnar sem tengjast reiknihugsun og forritun. Í greininni, Reiknirit, reiknihugsun og forritun: Nýjar áherslur í námskrá, útskýra Bjarnheiður Kristinsdóttir, Freyja Hreinsdóttir, Ingólfur Gíslason og Jóhann Örn Sigurjónsson hvað hugtökin fela í sér og gefa dæmi um verkefni.
Í dag eru fjölbreyttir nemendahópar eðlilegur hluti af daglegu skólastarfi. Í nýjustu grein Flatarmáls, Stærðfræði og tungumál: aðferðir sem auðvelda stærðfræðinám fjöltyngdra nemenda, fjallar Áslaug Dóra Einarsdóttir um hagnýtar leiðir til að styðja við stærðfræðinám nemenda með íslensku sem annað tungumál og gera kennsluna aðgengilegri fyrir alla. Greinin fjallar meðal annars um stöðumat, orðaforðavinnu, sjónrænan stuðning, samvinnu nemenda og samstarf kennara og hentar öllum sem kenna stærðfræði í fjölbreyttum nemendahópum.
Grunnskólakennarar um allan heim líta oft svo á að það sé vísbending um erfiðleika í stærðfræði þegar nemendur telja á fingrum sér. Niðurstöður rannsóknahóps sem Dr. Catherine Thevenot, prófessor í sálfræði við Háskólann í Lausanne í Sviss, leiðir benda þó einmitt til hins gagnstæða. Börn á aldrinum 4½ til 6½ sem telja á fingrum sér reynast sýna betri hugræna færni og meiri reikningsgetu en börn sem gera það ekki. Ennfremur sýna niðurstöður rannsóknanna að börn á aldrinum 7½ ára sem leysa reikningsdæmi á skilvirkan hátt án þess að nota fingurna eiga það sameiginlegt að hafa áður talið á fingrum sér og nýta þá í huganum þær lausnarleiðir sem þau þróuðu með sér meðan á notkun fingra stóð. Góðu fréttirnar eru síðan þær að það er vel hægt að kenna þeim börnum, sem ekki hafa uppgötvað þessa aðferð sjálf, að reikna á fingrum sér og það leiðir til verulegra framfara í samlagningarfærni þeirra.
Hér eru tilvísanir í nokkrar nýlegar fræðigreinar frá rannsóknahópnum:
👍 Do Children need counting principle knowledge to count on their fingers?
👍 Finger counting training enhances addition performance in kindergarteners.
👍 French preschool and primary teachers´ attitude towards finger counting.
Einnig er vert að benda á greinina Why Kids Should Use Their Fingers in Math Class eftir Jo Boaler og Lang Chen, við Stanford Háskóla, og myndbandið Our Brains Think about Math Visually af vefnum Youcubed.
Í hlaðvarpi á vegum Flatarmáls má heyra Bjarnheiði Kristinsdóttur segja frá bókinni Hugsandi skólastofa í stærðfræði sem hún þýddi á íslensku. Bjarnheiður byrjar á að segja frá tildrögum þess að hún þýddi bókina. Síðan segir hún frá uppbyggingu bókarinnar og lýsir vel grunnhugmyndum kennsluaðferðarinnar Hugsandi skólastofa í stærðfræði. Í frásögn sinni gefur Bjarnheiður góða innsýn í efni bókarinnar og kennsluaðferðina Hugsandi skólastofa í stærðfræði.
Hlaðvarpið má finna á síðunni Vefsíður, myndbönd og hlaðvörp undir liðnum Áhugavert.
Birna Hugrún Bjarnardóttir og Laufey Einarsdóttir Í byrjun árs 2025 auglýsti Miðstöð menntunar og skólaþjónustu (MMS) eftir stærðfræðikennurum til að vinna að gerð stuðningsefnis með hæfniviðmiðum í stærðfræði. Í því fólst meðal annars að setja fram námsmarkmið með hverju hæfniviðmiði, en kennarar höfðu kallað eftir nánari útfærslu á endurskoðuðum hæfniviðmiðum og leiðsögn um hvernig best…
Bjarnheiður Kristinsdóttir, Freyja Hreinsdóttir, Ingólfur Gíslason og Jóhann Örn Sigurjónsson. Nútímasamfélag er undirlagt reikniritum (e. algorithms). Reiknirit er nákvæmlega skilgreind röð af aðgerðum sem skila tiltekinni niðurstöðu út frá gefnum forsendum. Oftast eru reiknirit gerð til að leysa ákveðið verkefni. Hugsið til dæmis um hvernig þið leggið saman tölurnar 13 og 18 (eða einhverjar aðrar…
Áslaug Dóra Einarsdóttir. Íslenskt skólasamfélag hefur breyst mikið síðustu ár og í dag eru margir nemendur með fjölbreyttan tungumála- og menningarbakgrunn í skólum á Íslandi. Sem kennari sem tekur reglulega á móti unglingum með fjölbreyttan bakgrunn hef ég verið að leita leiða til að styðja þá betur í stærðfræðináminu. Í þessari grein tek ég saman…
Anna Kristjánsdóttir var aðalhvatamaður að stofnun Flatar árið 1993 og fyrsti formaður samtakanna. Hún lést 9. apríl 2025 (9.4.25). Anna var hugsjónakona og framlag hennar til fræðasviðsins stærðfræðimenntun hér á landi er ómetanlegt. Til að heiðra minningu hennar verður Önnuhorn í Flatarmálum í vetur. Þar munu birtast skrif hennar um fjölbreytt svið stærðfræðimenntunar. Anna lagði…
Nú í nóvember mun Legokeppni grunnskólanna First Lego League (FLL) fara fram en hún er alþjóðleg Legókeppni sem nær til yfir 600.000 ungmenna á aldrinum 10-16 ára í 110 löndum víða um heim. Háskóli Íslands hefur haldið keppnina hér á landi frá árinu 2005. Sigurvegari keppnarinnar á Íslandi í þriðja sinn Hér í Flatarmáli hefur áður verið…
Anna Kristjánsdóttir var aðalhvatamaður að stofnun Flatar árið 1993 og fyrsti formaður samtakanna. Hún lést 9. apríl 2025 (9.4.25). Anna var hugsjónakona og framlag hennar til fræðasviðsins stærðfræðimenntun hér á landi er ómetanlegt. Til að heiðra minningu hennar verður Önnuhorn í Flatarmálum í vetur. Þar munu birtast skrif hennar um fjölbreytt svið stærðfræðimenntunar. Hver var…
Þuríður Ástvaldsdóttir. Fyrir tæpum þjátíu árum var námskeið fyrir stærðfræðikennara í grunnskóla haldið á netinu og var það nýlunda. Heiti námskeiðsins var Heilabrot og hugkvæmni. Það var fyrst haldið veturinn 1997 –1998 og hlaut góðar viðtökur og var síðan endurtekið veturinn 1998 –1999. Á fyrra námskeiðinu voru þátttakendur 37 ásamt rúmlega 300 grunnskólanemendum. Á seinna…
SamSTEM stóð í júní 2025 fyrir tveimur námskeiðum um Hugsandi skólastofu (Building Thinking Classrooms). Námskeiðin sótti fjöldi íslenskra stærðfræðikennara sem hafa sýnt þessari nálgun í kennslu sívaxandi áhuga. Dr. Peter Liljedahl, prófessor við Simon Fraser-háskóla í Kanada sem þróað hefur nálgunina Hugsandi skólastofa (Building Thinking Classrooms) stjórnaði námskeiðunum og veitti leiðsögn um hvernig þessi aðferð…
Kristín Bjarnadóttir. Ekki verður lengi rætt um þátt stærðfræðinnar í sögu vestrænnar menningar án þess að nafninu Evklíð bregði fyrir. Hver var Evklíð? Í raun er lítið vitað um manninn. Hann bjó í Alexandríu, grískri nýlenduborg sem Alexander mikli stofnaði árið 325 f.Kr. við ósa Nílar í Egyptalandi. Talið er að Evklíð hafi verið uppi…
Jóhann Örn Sigurjónsson. Frá ársbyrjun 2024 hef ég unnið við þróun Matsferils í stærðfræði ásamt teymi fólks á matssviði hjá Miðstöð menntunar og skólaþjónustu. Í þessari grein segi ég frá tilurð og tilgangi Matsferils, grunnhugmyndinni að baki honum og matstækjunum sem Matsferill inniheldur. Matsferli í stærðfræði fylgir matsrammi með inntaksflokkum og færniþáttum. Ég útskýri þá…