Summer Math Summit er ókeypis rafræn ráðstefna fyrir stærðfræðikennara sem fer fram dagana 25.–28. júní. Á ráðstefnunni eru yfir 50 erindi þar sem kennarar og sérfræðingar deila hagnýtum hugmyndum, kennsluaðferðum og innblæstri fyrir stærðfræðikennslu á öllum skólastigum. Kynntu þér dagskrána og fáðu nýjar hugmyndir til að efla stærðfræðinám og kennslu.
Notar þú aðstoðarspjallmenni við gerð vinnublaða, hópverkefna eða verkefnaraða í stærðfræði?
Á þessu hagnýta námskeiði gefst stærðfræðikennurum í 5.–10. bekk grunnskóla og framhaldsskólum tækifæri til að ræða saman, prófa sig áfram og kynnast ábyrgri notkun spjallmenna sem hjálparhellu við undirbúning kennslu.
Fjallað verður um leiðir til að útbúa sérhæfðar gervigreindarhjálparhellur, hönnunarviðmið sem geta stutt við gerð vinnublaða, hópverkefna og verkefnaraða, auk þess sem farið verður yfir reynslu, ráð og atriði sem vert er að hafa í huga við notkun spjallmenna.
Þátttakendur fá tækifæri til að vinna verkefni, skiptast á reynslu og kynnast nýjum rannsóknum um notkun gervigreindar í skólastarfi og reynslu kennara frá Norðurlöndum og Eystrasaltsríkjunum.
Námskeiðið hentar bæði þeim sem eru að stíga sín fyrstu skref í notkun gervigreindar og þeim sem þegar hafa reynslu af slíkum verkfærum.
Námskeiðið byrjar 19. október og lýkur 9. nóvember 2026 (3 skipti, kl. 15:00–16:30). Nánari upplýsingar og skráning hjá Endurmenntun Háskóla Íslands.
Á Opnu Menntafléttunni þetta skólaárið eru fjölbreytt námskeið í boði fyrir öll skólastig:
Leikskóli:
🌱 Magnskilningur leikskólabarna
🌱 Stærðfræðin í leik barna
🌱 Stærðfræðin í umhverfi leikskólabarna
Grunnskóli yngsta stig:
🌿 Stærðfræðinám og upplýsingatækni
🌿 Talna- og aðgerðaskilningur
🌿 Tengsl og breytingar í stærðfræði
🌿 Tungumál stærðfræðinnar
Grunnskóli miðstig:
🪴 Stærðfræði og forritun
🪴 Stærðfræðinám og upplýsingatækni
🪴 Tengsl og breytingar í stærðfræði
🪴 Tungumál stærðfræðinnar
Grunnskóli unglingastig:
🌲 Greindu betur – samþætting stærðfræði, tölfræði og samfélagsgreina
🌲 Stærðfræði og forritun
🌲 Stærðfræðinám og upplýsingatækni
🌲 Tengsl og breytingar í stærðfræði
🌲 Tungumál stærðfræðinnar
Framhaldsskóli:
🌳 Greindu betur – samþætting stærðfræði, tölfræði og samfélagsgreina
🌳 Stærðfræði og forritun
🌳 Tungumál stærðfræðinnar
Guðbjörg Helga Guðmundsdóttir, stærðfræðikennari við Fjölbrautarskóla Suðurlands, segir í nýjustu grein Flatarmála frá vinnustofu sinni sem hún hélt á LÆRT-ráðstefnunni í Borgarnesi 2025. Í greininni – Töfrar stærðfræðinnar – deilir hún níu stærðfræðigöldrum sem hafa jafnan vakið lukku og undrun nemenda. Vinnustofan var vel sótt og sáu þátttakendur marga möguleika við notkun þeirra í eigin kennslu, ýmist sem kveikju í upphafi kennslustundar eða kynningu á nýjum hugtökum.
Í fimmta Önnuhorni er kastljósinu beint að brautryðjendastarfi Önnu Kristjánsdóttur á sviði upplýsingatækni í menntun. Greinin sýnir hvernig hún sá möguleikana á notkun tölva í námi áratugum áður en þær urðu sjálfsagður hluti af skólastarfi og átti Anna stóran þátt í að móta þessa þróun hér á landi.
Önnuhorn, fimmti þáttur: Notkun upplýsingatækni í skólastarfi.
Raðaðu tölunum 1-9 í reitina þannig að jafnan verði sönn. Hverja tölu má aðeins nota einu sinni.
Hljómar einfalt, en hversu langt getur slík þraut leitt okkur?
Í greininni Rannsóknir fyrir stærðfræðinga á öllum aldri, eftir Ingólf Gíslason, skoðum við verkefni fyrir unga nemendur sem þróast í stærðfræðilega rannsókn, reiknihugsun og forritun og leiðir að lokum til nýrrar talnarunu í alþjóðlegum gagnagrunni.
Mladen Zivanovic kennari við Landakotsskóla skrifar áhugaverða grein um faglega notkun gervigreindar í stærðfræðikennslu. Hann gerði rannsókn þar sem niðurstöður hans urðu ekki þær sem hann vonaðist eftir. Í kjölfarið hannaði hann vefsíðu með hagnýtar hugmyndir um hvernig megi nýta gervigreind í stærðfræðikennslu. við lestur greinarinnar – Gervigreind í kennslustofunni: Hugmyndir fyrir stærðfræðikennara – kynnistu bæði rannsókn og vefsíðu Mladens.
Nú hefur Önnuhorn fjórði þáttur verið birtur í Flatarmálum. Þar eru dregin fram áhugaverð skrif hennar um þátttöku Íslands í TIMMS og norrænum keppnum. Nú þegar ákveðið hefur verið að Íslendingar taki aftur þátt í TIMMS er gagnlegt að lesa greinar Önnu sem birtust í Morgunblaðinu fyrir þrjátíu árum.
Margir íslenskir kennarar eru að prófa sig áfram við að skapa Hugsandi skólastofu í stærðfræði. Einn af þeim er Jóhann kennari í Grundaskóla. Hann skrifar nú grein í Flatarmál þar sem hann segir frá leiðum sínum. Mjög áhugavert er að hann bauð foreldrum að koma og prófa að takast á við stærðfræði í Hugsandi skólastofu.
GETUR ÞÚ FUNDIÐ
ÓÞEKKTA FLATARMÁLIÐ?
Prófaðu áður en þú horfir á lausnina!
Ertu að leita að góðri kveikju, skemmtilegri þraut eða verkefni sem fær nemendur til að staldra við og hugsa?
Á YouTube-rásinni Mind Your Decisions birtir Presh Talwalkar fjölbreytt myndbönd um stærðfræði, rökhugsun og þrautalausnir. Þar má m.a. finna verkefni úr rúmfræði og algebru, talnaþrautir, rökhugsunarverkefni og ýmsar þrautir sem rey
na á skapandi hugsun. Auk þess má finna fleiri þrautir, myndbönd og annað efni á vefsíðu Mind Your Decisions.
Mörg verkefnanna henta vel sem kveikjur í stærðfræði. Hægt er að sýna nemendum verkefnið, gefa þeim tíma til að glíma við það og ræða ólíkar lausnaleiðir áður en lausnin í myndbandinu er skoðuð.
Góður hugmyndabanki fyrir stærðfræðikennara og það er svo sannarlega auðvelt að týna sér í þrautunum!
Jóhann Örn Sigurjónsson skrifar áhugaverða grein um túlkun og notkun niðurstaðna úr PISA könnuninni. Hann dregur fram sjónarmið sérfræðinga á sviði námsmats og bendir á að PISA-gögn séu oft mistúlkuð, auk þess sem hann fjallar um þær takmarkanir sem felast í þeim. Greinin býður upp á áhugaverða umhugsun um hvernig nýta megi niðurstöður slíkra kannana á uppbyggilegan hátt í stað þess að nota þær sem bitbein í umræðu um menntamál.
Hópur vísindamanna innan Háskóla Íslands hefur síðustu misseri unnið að því að nýta aðferðir hugsandi skólastofu (e. thinking classroom) í námskeiðinu Stærðfræðigreining I við Verkfræði- og náttúruvísindasvið til að bæta námsárangur nemenda sem áður höfðu fallið í námskeiðinu. Aðferðirnar hafa gefið góða raun og hafa verið teknar upp í fleiri námskeiðum innan skólans.
„Í stuttu máli erum við að rannsaka hvort og hvernig megi rjúfa hefðbundna fyrirlestrahefð háskólans til að dýpka skilning nemenda í STEM-greinum; raunvísindum, tæknigreinum, verkfræði og stærðfræði,“ segir Bjarnheiður Kristinsdóttir, lektor við Deild faggreinakennslu á Menntavísindasviði, um þetta rannsókna- og þróunarverkefni.
Alla fréttina má lesa hér.
Guðbjörg Helga Guðmundsdóttir. Töfrabrögð í stærðfræðikennslu – vinnustofa á LÆRT-ráðstefnunni í Borgarnesi. Á LÆRT-ráðstefnunni sem haldin var í Borganesi haustið 2025 kynnti ég vinnustofuna Töfra stærðfræðinnar eftir að Guðbjörg Pálsdóttir hafði farið þess á leit við mig. Á vinnustofunni fórum við saman í gegnum nokkra þekkta „galdra“ sem vekja gjarna undrun og forvitni. Þeim hef…
Anna Kristjánsdóttir var aðalhvatamaður að stofnun Flatar árið 1993 og fyrsti formaður samtakanna. Hún lést 9. apríl 2025 (9.4.25). Anna var hugsjónakona og framlag hennar til fræðasviðsins stærðfræðimenntun hér á landi er ómetanlegt. Til að heiðra minningu hennar verður Önnuhorn í Flatarmálum í vetur. Þar munu birtast skrif hennar um fjölbreytt svið stærðfræðimenntunar. Í Önnuhorni…
Ingólfur Gíslason. Opin miðja Við byrjum á stærðfræðispurningu sem ég setti inn á Facebook-hópinn Stærðfræðikennarinn í febrúar 2019. Verkefnið fann ég á vefsíðunni Open Middle þar sem það er sagt henta nemendum í fyrsta bekk í Bandaríkjunum (sem ætti að vera mjög sambærilegur okkar fyrsta bekk). Þegar og ef verkefnið er lagt fyrir nemendur í…
Mladen Zivanovic. Frá forvitni til framkvæmdar Hugmyndin að þessu verkefni, sem fékk nafnið Algebra+, kom upp í janúar 2025. Á þeim tíma var ég að vinna í tveimur ólíkum nýsköpunarverkefnum, en þetta verkefni var erfiðara. Það snerist ekki bara um að búa til eitthvað sniðugt, heldur var þetta alvöru rannsóknarverkefni þar sem ég vildi skoða…
Anna Kristjánsdóttir var aðalhvatamaður að stofnun Flatar árið 1993 og fyrsti formaður samtakanna. Hún lést 9. apríl 2025 (9.4.25). Anna var hugsjónakona og framlag hennar til fræðasviðsins stærðfræðimenntun hér á landi er ómetanlegt. Til að heiðra minningu hennar verður Önnuhorn í Flatarmálum í vetur. Þar munu birtast skrif hennar um fjölbreytt svið stærðfræðimenntunar. Ákveðið hefur…
Jóhann Þór Eiríksson. Persónuleg reynsla af stærðfræðinámi Stærðfræði var aldrei mín sterkasta hlið sem nemandi. Á unglingastigi átti ég oft í erfiðleikum með námið, sérstaklega þegar kennsluhættirnir voru þannig að kennarinn stóð fyrir framan bekkinn, skrifaði aðferðir og útreikninga á töfluna og útskýrði lausnirnar. Þessi nálgun hentaði mér í raun alls ekki sem nemanda og…
Kristín Bjarnadóttir Björn Bjarnason var stærðfræðikennari minn forðum daga í Menntaskólanum í Reykjavík. Hann kenndi okkur um framandi hluti, sem nú eru mér orðnir inngrónir eftir áratuga göngu í spor hans. Eitt þótti mér skrítið: Dag nokkur fór hann að dunda sér við að leggja saman lágar tölur á töflunni. Ef til vill hefur athygli…
Bergur Ari Sveinsson. Ég heiti Bergur Ari Sveinsson og er að ljúka við námsleiðina Kennsla stærðfræði, MT, við Háskóla Íslands. Þar á undan brautskráðist ég af námsleiðinni Grunnskólakennsla með áherslu á stærðfræði, B.Ed. sem ég hóf haustið 2021. Leið mín í kennaranám er ekki ósvipuð margra annarra sem ég hef kynnst í náminu, annað foreldri…
Anna Kristjánsdóttir var aðalhvatamaður að stofnun Flatar árið 1993 og fyrsti formaður samtakanna. Hún lést 9. apríl 2025 (9.4.25). Anna var hugsjónakona og framlag hennar til fræðasviðsins stærðfræðimenntun hér á landi er ómetanlegt. Til að heiðra minningu hennar verður Önnuhorn í Flatarmálum í vetur. Þar munu birtast skrif hennar um fjölbreytt svið stærðfræðimenntunar. Norrænt samstarf…
Birna Hugrún Bjarnardóttir og Laufey Einarsdóttir Í byrjun árs 2025 auglýsti Miðstöð menntunar og skólaþjónustu (MMS) eftir stærðfræðikennurum til að vinna að gerð stuðningsefnis með hæfniviðmiðum í stærðfræði. Í því fólst meðal annars að setja fram námsmarkmið með hverju hæfniviðmiði, en kennarar höfðu kallað eftir nánari útfærslu á endurskoðuðum hæfniviðmiðum og leiðsögn um hvernig best…